Copyrights Reserved © 2026
prajayuddanouka.com
»» మృతుని చిత్రపటానికి నివాళులర్పించిన వైస్ చైర్మన్ వెంకన్న గుప్తా »» బాధిత కుటుంబానికి అన్ని వేళలా అండగా ఉంటామని భరోసాయాదాద్రి భువనగిరి (మోత్కూరు జూలై 30): అకాల మరణం చెందిన నిరుపేద కుటుంబానికి మున్సిపల్ వైస్ చైర్మన్ పల్లెర్ల వెంకన్న గుప్తా అండగా నిలిచారు. మోత్కూరు మున్సిపల్ కేంద్రంలోని అంగడి బజారుకు చెందిన ఆరె జహంగీర్ ఇటీవల హఠాన్మరణం చెందగా, గురువారం ఆయన నివాసానికి వెళ్లిన వైస్ చైర్మన్ బాధిత కుటుంబాన్ని పరామర్శించారు. జహంగీర్ చిత్రపటానికి పూలమాల వేసి నివాళులు అర్పించారు. ఈ సందర్భంగా ఆయన మాట్లాడుతూ నిరుపేద కుటుంబానికి చెందిన జహంగీర్ చిన్న వయస్సులోనే మృతి చెందడం తీవ్రంగా కలిచివేసిందన్నారు. వారి కుటుంబ అత్యవసర అవసరాల నిమిత్తం తనవంతుగా రూ. 10,000 ఆర్థిక సాయాన్ని అందజేసి అధైర్యపడవద్దని, కుటుంబానికి ఎల్లప్పుడూ పూర్తి స్థాయిలో అండగా ఉంటామని హామీ ఇచ్చారు. ఈ కార్యక్రమంలో కాంగ్రెస్ పార్టీ నాయకులు బొల్లేపల్లి శ్రావణ్, ఇక్కిరి నాగరాజు, బోయిని యాకు, ప్రవీణ్, సోమిరెడ్డి, గోపి తదితరులు పాల్గొన్నారు.
»» పట్టుదలతో చదివి తల్లిదండ్రుల ఆశయాలు నెరవేర్చాలి»» బిసి హాస్టల్ విద్యార్థినులకు నిత్యావసర వస్తువుల పంపిణీ కార్యక్రమంలో కౌన్సిలర్ లు శ్రీవిద్య, శైలజయాదాద్రి భువనగిరి, (మోత్కూరు జూలై 30): ప్రభుత్వం కల్పిస్తున్న వసతులను ఆసరాగా చేసుకుని విద్యార్థులు చదువులో రాణించి ఉన్నత స్థాయికి ఎదగాలని మోత్కూరు మున్సిపల్ కౌన్సిలర్లు గనగాని శైలజ, పన్నాల శ్రీవిద్య తెలిపారు. గురువారం స్థానిక బిసి బాలికల వసతి గృహంలో విద్యార్థినులకు బెడ్ షీట్లు, కార్పెట్లు, ప్లేట్లు మరియు గ్లాసులను పంపిణీ చేశారు. ఈ సందర్భంగా వారు మాట్లాడుతూ రాష్ట్రంలో కాంగ్రెస్ ప్రభుత్వం అధికారంలోకి వచ్చాక ముఖ్యమంత్రి రేవంత్ రెడ్డి నాయకత్వంలో హాస్టల్ విద్యార్థుల సంక్షేమానికి అధిక ప్రాధాన్యత ఇస్తున్నారని, అందులో భాగంగానే మెస్ ఛార్జీలను భారీగా పెంచారని తెలిపారు. విద్యా రంగాన్ని బలోపేతం చేసేందుకు నియోజకవర్గానికి ఒక ఇంటిగ్రేటెడ్ విద్యా సంస్థను నెలకొల్పుతున్నట్లు పేర్కొన్నారు. ప్రభుత్వం అందిస్తున్న సంక్షేమ ఫలాలను వినియోగించుకుని, క్రమశిక్షణతో చదివి తల్లిదండ్రులు, ఉపాధ్యాయులు గర్వపడేలా భవిష్యత్తును తీర్చిదిద్దుకోవాలని విద్యార్థినులకు సూచించారు. ఈ కార్యక్రమంలో హాస్టల్ సిబ్బంది కామటి అరుణతో పాటు విద్యార్థినులు చైత్ర, కొనతం భవాని, సరబోజు రితిక, కమ్మగాని మధుప్రియ, దీక్షిత, కాటన్ మను, గుడిపాటి సిరి, సంపద తదితరులు పాల్గొన్నారు.
ప్రజాయుద్ధనౌక ప్రత్యేక ప్రతినిధి: ముఖ్యమంత్రి రేవంత్ రెడ్డి అత్యంత ప్రతిష్టాత్మకంగా ప్రారంభించిన ‘హైడ్రా’ (HYDRAA) బాధ్యతల నుంచి ఐఏఎస్ అధికారి ఏవీ రంగనాథ్ను అంత సులభంగా పక్కన పెట్టే ప్రసక్తి లేదని స్పష్టమవుతోంది. చెరువుల ఆక్రమణలు, బడా రియల్ ఎస్టేట్ మాఫియాపై ఉక్కుపాదం మోపుతూ సీఎం ఆలోచనలకు అనుగుణంగా పనిచేస్తున్న రంగనాథ్కు ప్రభుత్వం నుంచి సంపూర్ణ మద్దతు లభిస్తోంది. హైకోర్టు సింగిల్ బెంచ్ ఆయనను తొలగించాలని ఆదేశించిన నేపథ్యంలో, ప్రభుత్వం వెంటనే డివిజన్ బెంచ్లో రిట్ అప్పీల్ దాఖలు చేసేందుకు సన్నాహాలు చేస్తోందిరంగనాథ్పై కోర్టు ఆదేశాలతో ప్రభుత్వ వ్యూహం సింగిల్ బెంచ్ ఉత్తర్వులు: లోతుకుంట భూముల వివాదంలో కోర్టు ఉత్తర్వులను ఉల్లంఘించారనే ఆరోపణలపై రంగనాథ్ను హైడ్రా కమిషనర్ పదవి నుంచి తొలగించాలని హైకోర్టు సింగిల్ బెంచ్ సీఎస్ను ఆదేశించింది. డివిజన్ బెంచ్కు అప్పీల్: సింగిల్ బెంచ్ ఆదేశాలపై స్టే కోరుతూ ప్రభుత్వం వెంటనే హైకోర్టు డివిజన్ బెంచ్ను ఆశ్రయించనుంది. హైడ్రా ఒక స్వయంప్రతిపత్తి కలిగిన సంస్థ అని, దాని అధిపతి నియామకం కార్యనిర్వాహక పరిధిలోని అంశమని వాదించనుంది. సుప్రీంకోర్టు దాకా వెళ్లేందుకు సిద్ధం: ఒకవేళ డివిజన్ బెంచ్లో ఉపశమనం లభించకపోతే, రాజ్యాంగంలోని ఆర్టికల్ 136 కింద స్పెషల్ లీవ్ పిటిషన్ (SLP) ద్వారా సుప్రీంకోర్టు తలుపు తట్టేందుకు ప్రభుత్వం ప్రత్యామ్నాయ ప్రణాళికను సిద్ధం చేసుకుంది. ప్రజా ప్రయోజనాల కోసమే హైడ్రా పనిచేస్తోందని, ఒక నిర్దిష్ట వివాదంలో బేషరతు క్షమాపణ చెప్పినంత మాత్రాన అధికారిని మార్చాలని ఆదేశించడం ఎంతవరకు సమంజసమనే అంశాన్ని అత్యున్నత న్యాయస్థానం ముందు ప్రభుత్వం లేవనెత్తనుంది. తన నమ్మకమైన ఉన్నతాధికారిని నిలబెట్టుకోవడానికి, హైడ్రా దూకుడు తగ్గకుండా చూసుకోవడానికి రేవంత్ రెడ్డి ప్రభుత్వం చట్టపరమైన అన్ని దారులనూ ఉపయోగించుకునేందుకు తుది వరకు పోరాడేందుకు సిద్ధంగా ఉన్నట్లు సమచారం.
»»» తమ సంస్థ పూర్తిగా రాజ్యాంగ స్ఫూర్తితోనే పనిచేసింది »»» ల్యాండ్ మాఫియా కోర్టును తప్పుదోవ పట్టిస్తోంది»»» తనపై ఉన్న కోర్టు ధిక్కార నోటీసులన్నీ భూ కబ్జాదారులు వేసినవే»»» తనకు దేశ న్యాయవ్యవస్థపై పూర్తి నమ్మకం ఉంది - ఏవీ రంగనాథ్ప్రజాయుద్ధనౌక ప్రతినిధి (హైదరాబాద్): హైడ్రా కమిషనర్గా ఏవీ రంగనాథ్ను తప్పించాలంటూ తెలంగాణ ప్రభుత్వ ప్రధాన కార్యదర్శి శాంతి కుమారికి రాష్ట్ర హైకోర్టు సంచలన ఆదేశాలు జారీ చేసిన నేపథ్యంలో హైడ్రా కమిషనర్ ఏవీ రంగనాథ్ స్పందించారు. హైకోర్టు ధర్మాసనం ఇచ్చిన తీర్పుపై తాజాగా ఆయన మీడియాతో మాట్లాడుతూ.. తమ సంస్థ పూర్తిగా రాజ్యాంగ స్ఫూర్తితోనే పనిచేసిందని, చెరువులను మరియు ప్రభుత్వ ఆస్తులను కాపాడటమే హైడ్రా ప్రధాన లక్ష్యమని స్పష్టం చేశారు. ఇప్పటివరకు దాదాపు రూ. 1.50 లక్షల కోట్ల విలువైన ప్రభుత్వ ఆస్తులను పరిరక్షించామని ఆయన గుర్తుచేశారు. అలాగే దాదాపు 6 చెరువులను పూర్తిగా పునరుద్ధరించామని, మరో 20 చెరువుల పునరుద్ధరణ పనులు ప్రస్తుతం కొనసాగుతున్నాయని తెలిపారు. వేల ఎకరాల కబ్జా భూములను వెనక్కి తీసుకుని తిరిగి ప్రభుత్వానికి అప్పగించామని, అదేవిధంగా లోతుకుంట ప్రాంతంలో భూకబ్జా యత్నాన్ని కూడా విజయవంతంగా అడ్డుకున్నామని పేర్కొన్నారు. అయితే ల్యాండ్ మాఫియా కోర్టును తప్పుదోవ పట్టిస్తోందని ఆరోపించిన రంగనాథ్, తనపై ఉన్న కోర్టు ధిక్కార నోటీసులన్నీ భూ కబ్జాదారులు వేసినవేనని తెలిపారు. ఏది ఏమైనప్పటికీ అన్ని కేసులను చట్టపరంగానే ఎదుర్కొనేందుకు తాను సిద్ధంగా ఉన్నానని, తనకు దేశ న్యాయవ్యవస్థపై పూర్తి నమ్మకం ఉందని స్పష్టం చేశారు.
(తెలంగాణ, హైదరాబాద్): హైడ్రా కమిషనర్ రంగనాథ్ ను ఉన్న స్థానం నుంచి తప్పించాలని హైకోర్టు ఆదేశం సెక్రటరీ ర్యాంకు స్థానంలో ఉన్న ఉన్నతాధికారి ఇలా కోర్టు ఉత్తర్వులను ధిక్కరించడం సరికాదన్న హైకోర్టు, ఈ మేరకు సీఎస్ ను ఆదేశించిన హైకోర్టు
(తెలంగాణ): ప్రజాయుద్ధనౌక ప్రత్యేక ప్రతినిధి: తెలంగాణ రాష్ట్ర రాజకీయ ముఖచిత్రంలో పరిణామాలు అత్యంత ప్రాధాన్యతను సంతరించుకున్నాయి. ముఖ్యమంత్రి రేవంత్ రెడ్డి, తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు మహేశ్ కుమార్ గౌడ్ ఢిల్లీలో పర్యటిస్తున్నారు. అఖిల భారత కాంగ్రెస్ కమిటీ (ఏఐసీసీ) అగ్రనేతలతో కలిసి వీరు కీలకమైన వ్యూహాత్మక సమావేశాల్లో పాల్గొననున్నారు. ఈ పర్యటనలో భాగంగా ఏఐసీసీ అధ్యక్షుడు మల్లికార్జున ఖర్గే, లోక్సభ ప్రతిపక్ష నేత రాహుల్ గాంధీలతో సీఎం రేవంత్ రెడ్డి ముఖాముఖి భేటీ కానున్నారు. . కాంగ్రెస్ పార్టీ సంస్థాగత బలోపేతం, రాష్ట్ర పాలనాపరమైన అంశాలు, మరియు జాతీయ స్థాయి వ్యూహాలపై ఈ భేటీలో లోతైన చర్చలు జరగనున్నాయి. ఈ సమావేశంలో ప్రధానంగా యువతను రాజకీయాల్లోకి ఆకర్షించేందుకు సీఎం రేవంత్ రెడ్డి ఒక విప్లవాత్మక ప్రతిపాదనలు సిద్ధం చేశారు. ఎమ్మెల్యే, ఎంపీలుగా పోటీ చేయడానికి కనీస వయోపరిమితిని 25 ఏళ్ల నుంచి 21 ఏళ్లకు తగ్గించాలనే ఆలోచనతో "జై జవాన్, జై కిసాన్, జై యువత" నినాదాన్ని రూపొందించారు. ఈ ప్రతిపాదనను రాహుల్ గాంధీ ముందు ఉంచి, 'ఇండీయా కూటమి' నేతలతోనూ చర్చించాలని కోరనున్నారు. దీనికితోడు, రాష్ట్రంలో పెండింగ్లో ఉన్న జిల్లా కాంగ్రెస్ కమిటీ (DCC) అధ్యక్షుల నియామకాలు, మంత్రివర్గ విస్తరణ, మరియు నామినేటెడ్ పోస్టుల భర్తీపై అధిష్ఠానంతో మాట్లాడి తుది నిర్ణయం తీసుకోనున్నారు. మరొకవైపు, కేంద్ర బడ్జెట్లో తెలంగాణకు జరిగిన అన్యాయానికి నిరసనగా నీతి ఆయోగ్ సమావేశాన్ని బహిష్కరించిన నేపథ్యంలో, కేంద్రంపై అనుసరించాల్సిన భవిష్యత్తు రాజకీయ పోరాట వ్యూహాల గురించి కూడా పార్టీ పెద్దలతో చర్చించనున్నారు. అలాగే దేశవ్యాప్తంగా సంచలనం సృష్టిస్తున్న 'నీట్' పేపర్ లీకేజీ వ్యవహారంపై విపక్షాల ఉమ్మడి పోరాటం, యువతకు అండగా నిలిచే జాతీయ ఎజెండాను కూడా ఈ భేటీలో ఖరారు చేయనున్నారు. మొత్తానికి, రేవంత్ రెడ్డి, మహేశ్కుమార్గౌడ్ చేపట్టిన ఈ ఢిల్లీ పర్యటన తెలంగాణ కాంగ్రెస్ పార్టీ సంస్థాగత వ్యవహారాల్లోనూ, రాష్ట్ర రాజకీయాలలోనూ కీలక మార్పులకు నాంది పలకనుందని విశ్లేషకులు భావిస్తున్నారు.
»» త్వరలోనే ‘హ్యామ్’ (HAM) రహదారుల పనులు ప్రారంభం»» ఆగస్టు 15 నాటికి కాంట్రాక్ట్ అగ్రిమెంట్లు పూర్తి చేయాలని అధికారులకు ఆదేశం»» సచివాలయంలో హ్యామ్ రోడ్ల పురోగతిపై ఉన్నతస్థాయి సమీక్షప్రజాయుద్ధనౌక ప్రతినిధి (హైదరాబాద్): పట్టణ ప్రాంత రహదారులకు ఏమాత్రం తీసిపోని రీతిలో గ్రామీణ రహదారుల నిర్మాణాన్ని వేగవంతం చేస్తున్నామని, అందుకోసమే అత్యంత ఆధునికమైన హైబ్రిడ్ యాన్యుటీ మోడల్ (HAM) విధానాన్ని అవలంబిస్తున్నామని పంచాయతీ రాజ్, గ్రామీణాభివృద్ధి శాఖ మంత్రి డాక్టర్ దనసరి అనసూయ (సీతక్క) స్పష్టం చేశారు. సచివాలయంలో పంచాయతీ రాజ్ శాఖ స్పెషల్ సీఎస్ దానకిషోర్, ఈఎన్సీ జోగారెడ్డి, సీఈలతో కలిసి గ్రామీణ హ్యామ్ రోడ్ల నిర్మాణ పురోగతిపై మంత్రి సుదీర్ఘంగా ఉన్నతస్థాయి సమీక్ష నిర్వహించారు. ఈ సందర్భంగా మంత్రి మాట్లాడుతూ, రాష్ట్రంలోని ప్రతి గ్రామానికి నాణ్యమైన రోడ్డు కనెక్టివిటీ అందుబాటులోకి తీసుకురావడమే ముఖ్యమంత్రి రేవంత్ రెడ్డి ఆకాంక్ష అని వెల్లడించారు. పంచాయతీ రాజ్ శాఖ ద్వారా హ్యామ్ మోడల్లో మొత్తంగా 6,703 గ్రామాల్లో 18,472 కిలోమీటర్ల రోడ్ల నిర్మాణాన్ని ప్రభుత్వం చేపడుతోందని చెప్పారు. ఇందులో భాగంగా మొదటి విడత కింద 2,678 గ్రామాల్లో 7,450 కిలోమీటర్ల మేర రోడ్ల విస్తరణ, పునర్నిర్మాణ పనులు చేపడుతున్నామని, వీటిలో 90 శాతం పనులు ప్రస్తుతం ఉన్న రహదారుల ఆధునీకరణకే ప్రాధాన్యమిస్తున్నామని తెలిపారు. అంతేకాకుండా, దశాబ్దాలుగా రవాణా సౌకర్యం లేని 179 గ్రామాలకు తొలిసారిగా 934 కిలోమీటర్ల మేర బిటి, సిసి రోడ్లను నిర్మిస్తున్నట్లు పేర్కోన్నారు.తెలంగాణలో అమలు చేస్తున్న హ్యామ్ విధానాన్ని దేశమంతా ఆసక్తిగా పరిశీలిస్తున్నందున మార్గదర్శకాలను అత్యంత సమగ్రంగా రూపొందించామని మంత్రి సీతక్క స్పష్టం చేశారు. ఆర్బీఐ అనుమతులు వచ్చే వారంలోగా పూర్తి స్థాయిలో రానున్నాయని, ఆగస్టు 15 నాటికి కాంట్రాక్ట్ అగ్రిమెంట్లు పూర్తి చేయాలని అధికారులను ఆదేశించారు. అగ్రిమెంట్లు కాగానే కాంట్రాక్టర్లు వెంటనే పనులు ప్రారంభించాలని, టెండర్లు దక్కించుకోవడంలో చూపిన ఉత్సాహం పనులు పూర్తి చేయడంలోనూ చూపాలని స్పష్టం చేశారు. పనులను సొంత బాధ్యతగా స్వీకరించాలని కాంట్రాక్టర్లకు సూచించారు.గతంలో సింగిల్ రోడ్డు ఉన్న చోట కూడా ఇప్పుడు భారీ వాహనాలు వెళ్లేలా నాణ్యతతో రోడ్లను నిర్మించాలని ఆదేశించారు. పనుల్లో ఆలస్యం లేకుండా భూసమీకరణ, చెట్ల తొలగింపు వంటి అంశాలపై జిల్లా కలెక్టర్లకు తక్షణమే సర్క్యులర్ జారీ చేయాలన్నారు. సిబ్బందికి అవసరమైన శిక్షణ ఇప్పించాలని, అటవీ భూములు ఉన్న ప్రాంతాల్లో క్షేత్రస్థాయి సమస్యలను స్థానిక అధికారుల సహాయంతో పరిష్కరించుకోవాలని సూచించారు. నిర్మాణంలో ఏవైనా సమస్యలు ఎదురైతే నేరుగా తన దృష్టికి తీసుకురావచ్చని కాంట్రాక్టర్లకు మంత్రి సీతక్క ఈ సందర్భంగా భరోసా ఇచ్చారు.
ప్రజాయుద్ధనౌక ప్రతినిధి/ హైదరాబాద్: ప్రభుత్వ పాఠశాలల్లో చదువుకునే ప్రతి విద్యార్థికి నాణ్యమైన టిఫిన్ (బ్రేక్ఫాస్ట్), మధ్యాహ్న భోజనం అందించాలనే ఉద్దేశంతో ప్రభుత్వం చేపడుతున్న బృహత్తర కార్యక్రమానికి ప్రముఖ ఫార్మా దిగ్గజాలు 'దివీస్ లాబొరేటరీస్', 'అరబిందో ఫార్మా' భాగస్వామ్యమయ్యాయి. ప్రభుత్వ సత్సంకల్పానికి మద్దతుగా నిలుస్తున్న 'హరేకృష్ణ మూవ్మెంట్ చారిటబుల్ ఫౌండేషన్' కు ఈ రెండు సంస్థలు తమ కార్పొరేట్ సామాజిక బాధ్యత (CSR) కింద భారీ విరాళాన్ని ప్రకటించాయి. లక్షలాది మంది పేద విద్యార్థుల ఆకలి తీర్చే ఈ అక్షయ పాత్ర వంటి కార్యక్రమం కోసం:దివీస్ లాబొరేటరీస్: రూ. 12.18 కోట్లుఅరబిందో ఫార్మా లిమిటెడ్: రూ. 10 కోట్లుమొత్తంగా రూ. 22.18 కోట్ల ఆర్థక సాయాన్ని ఫౌండేషన్కు అందజేశాయి.ఈ సందర్భంగా పేద విద్యార్థుల పోషకాహార లోపాన్ని నివారించి, వారి విద్యాభివృద్ధికి తోడ్పడుతున్న దివీస్, అరబిందో యాజమాన్యాలకు మరియు హరేకృష్ణ మూవ్మెంట్ చారిటబుల్ ఫౌండేషన్ ప్రతినిధులకు ముఖ్యమంత్రి రేవంత్ రెడ్డి ప్రభుత్వం తరఫున హృదయపూర్వక అభినందనలు తెలియజేశారు. విద్యా వ్యవస్థను బలపరచడంలో కార్పొరేట్ సంస్థల భాగస్వామ్యం ఎంతో అభినందనీయమని పేర్కొన్నారు.